Safar (Hindi Poem)

Jeevan ke is safar me
Main thoda thak gaya hoon
Mujhe soya rehne do
Adhoore reh gaye khwabon me
Meethi si kuchh yaadon me
Abhi khoya rehne do
Jaagne ki chaah nahi hai
Safar wahi par raah nayi hai
Saari jhoothi shaan gayi hai
Kachcha ab imaan nahi hai
Shakhs wahi hai mere andar
Lekin ab pehchaan nayi hai
Bheed me tha jo kho gaya
Jaane kya tha usko ho gaya
Jiske kuchh sapne the
Aur dil me apne the
Kisi se nahi koi gila hai
Raste me jo bhi ab mila hai
Jaane na wo kaun apna paraya
Sabhi ko to hai usne sataya
Har pal ye shaks saath hai mere
Kaise khud se ab mukh fere
Kabhi wo bhi waqt aayega
Jab khud ko ye shaks paayega
Khud se jab ye waqif hoga
Is safar ko anjaam tabhi haasil hoga
Tab tak mujhe sone do
Khwabon me khone do

Rate This Post -

{[['', '', ''], ['', '', ''], ['', '', ''], ['', '', ''], ['', '', '']]}

Ye Pal - A Hindi Poem About Childhood

Ye pal jald hi beeta kal ban jaayenge,
Shayad ye bhi kuchh to yaad aayenge.
Wo der se roz school jaana,
Roz homework na karne ka ek naya bahana.
Shararat karke teacher se nazrein churana,
Aur pakde jaane par daant khaana.
Class me garv se jawab batana,
Aur sahi hone par inaam paana.
Phir humara foola na samana,
Ghanto tak aise hi itrana.
Pareeksha ke liye jaane se pehle ghabrana,
Aur cheating karte pakda jaana.
Chhupa chhupi khelte hue washroom me chhip jaana,
Aur khel poora hone tak baahar hi na aana.
Chhuti ka wo lamba intezaar,
Weekend to jaise laaye bahaar.
Sunday to tha jaise ek tyohaar,
Chahta tha man, aaye yeh din baar baar.
School na jaane ke the bahaane hazaar,
Par kheench hi leta tha doston ka pyaar.
Samay ka dariya pal bhar me hota tha paar,
Jab sang hote the sab yaar.
Wo yaaron ko satana,
Unka naaraaz hokar rooth jaana.
Phir unhe laad se manaana,
Hum sabka wo andaaz mastaana.

Continue Reading >>

Rate This Post -

{[['', '', ''], ['', '', ''], ['', '', ''], ['', '', ''], ['', '', '']]}

Dhool Si Yaadein (Hindi Poem)

Dhool si yaadein bikhar jaayengi 
Pal bhar me baatein badal jaayengi 
Kuchh na bachega paas tere 
Phir kya karega dil tu mere 
Mujhko itna bata de 
Mujhko itna bata de 

Dukh ki ye aandhi mit jaayegi 
Andheri raatein dhal jaayengi 
Gum ke baadal ye chhant jaayenge 
Masti ke lamhe wo phir aayenge 

Kuchh bhi ho, phir na tu rona 
Muskaan apni kabhi na ye khona 
Jeevan hai tera, koi daud nahi hai 
Man ki awaazein shor nahi hain

Kya khoya hai, kya paaya hai 
Isi me saara jeevan bitaya hai 
Aaj yun hi man me ek khyaal aaya hai 
Khwabon ke peechhe bhaag bhaag kar aakhir me kya paaya hai 
Mujhko itna bata de 
Mujhko itna bata de 

Continue Reading >>

Rate This Post -

{[['', '', ''], ['', '', ''], ['', '', ''], ['', '', ''], ['', '', '']]}

Zindagi Ki Daud (Hindi Poem) - With English Translation (The Race Of Life)

Here's a Hindi poem from Hindi movie "Lage Raho Munna Bhai". I've edited and extended this poem which is originally called "Shehar Ki Is Daud Me".. I've translated it in English too for fellows who don't understand Hindi. (Good thing is that however, it's still rhyming)


Zindagi ki is daud me, daudkar karna kya hai??
Yahi jeena hai yaaron, to phir marna kya hai??
Pehli baarish me train chhootne ki fikr hai,
Bhool gaye bheegte hue tehalna kya hai..
Serial ke saare kirdaaron ke haal to maaloon hain,
Par maa ka haal poochhne ki fursat kahan hai..
Ab ret par nange paanv tehalte kyon nahi??
T.V. par itne channel hain, phir bhi man behalte kyon nahi??
Internet par saari duniya to touch me hai,
Par pados me kaun rehta hai ye jaante tak nahi..
Mobile, landline, sabki bharmaar hai,
Par jigri dost tak pahunche, kahaan aise taar hain??

Continue Reading >>

Rate This Post -

{[['', '', ''], ['', '', ''], ['', '', ''], ['', '', ''], ['', '', '']]}